Markvörðurinn Sergio Rico hefur skrifað undir samning við Fulham í ensku úrvalsdeildinni.
Rico kemur til Fulham frá Sevilla á Spáni en hann gerir eins árs langan lánssamning við nýliðana.
Þessi 24 ára gamli leikmaður á að baki einn landsleik fyrir Spán en hann hefur fengið reglulega að spila hjá Sevilla undanfarin ár.
Rico á að baki 169 leiki fyrir Sevilla frá árinu 2014 en mun nú reyna fyrir sér á Englandi.
Rico skrifar eins og áður sagði undir lánssamning við Fulham og er samningsbundinn út tímabilið.
