Fulham á Englandi ætlar sér stóra hluti á þessu tímabili eftir að hafa styrkt sig verulega í sumar.
Fulham fékk til sín framherjann Luciano Vietto í dag en hann kemur til félagsins frá Atletico Madrid.
Vietto hefur leikið fyrir ófá góð lið á ferlinum en hann skoraði fyrst 20 mörk í 48 leikjum fyrir Villarreal áður en Atletico keypti hann.
Vietto stóð ekki undir væntingum hjá Atletico og var í kjölfarið lánaður til Sevilla þar sem hann gerði 10 mörk í 31 leik.
Argentínumaðurinn spilaði svo með Valencia á síðustu leiktíð en mun nú reyna fyrir sér í ensku úrvalsdeildinni.
