Útlit er fyrir það að framherjinn Lucas Perez verði áfram hjá Arsenal á næstu leiktíð.
Perez kom til Arsenal frá Deportivo La Coruna fyrir tveimur árum en hann kostaði liðið 17 milljónir punda.
Spánverjinn vann sér þó ekki inn fast sæti á Emirates og var lánaður til Deportivo á síðustu leiktíð.
Talið er að Arsenal vilji losna við Perez en samkvæmt umboðsmanni hans hafa engin tilboð borist.
,,Eins og staðan er núna þá er ekkert í gangi. Það hefur enginn haft samband við okkur svo það er aðeins Arsenal,“ sagði umboðsmaður leikmannsins.
