David Silva, leikmaður Manchester City, býst við því að yfirgefa félagið er samningur hans rennur út árið 2020.
Silva er enn mikilvægur hlekkur í liði City undir stjórn Pep Guardiola en ætlar sér að prófa eitthvað nýtt eftir að samningnum á Etihad lýkur.
,,Þegar samningurinn minn klárast hjá Manchester City verð ég 34 ára gamall og þá mun ég líklega vilja gera eitthvað annað,“ sagði Silva.
,,Ég veit það ekki ennþá en ég mun ekki spila fyrir annað lið á Englandi. Fólkið á Englandi sýnir mér alltaf ást eftir þessi átta ár.“
,,Við höfum náð frábærum árangri í gegnum árin og höfum spilað fallegan fótbolta.“
