Manchester City vill fá Riyad Mahrez, sóknarmann Leicester City en frá þessu greina enskir fjölmiðlar í dag.

City lagði fram nokkur tilboð í leikmanninn í síðasta janúarglugga en Leicester hafnaðu þeim öllum.

Mahrez var ekki sáttur með að félagið vildi ekki selja sig og var í fýlu í nokkrar vikur og mætti ekki á æfingar hjá liðinu.

Eftir að hann snéri aftur hefur hann verið algjörlega frábær í liði Leicester og hefur hann skorað 11 mörk og lagt upp önnur 8 á þessari leiktíð.

Leicester er sagt tilbúið að selja Mahrez fyrir rétta upphæð í sumar en verðmiðinn á honum er talinn vera í kringum 70 milljónir punda.