Mino Raiola umboðsmaður Mario Balotelli segir að leikmaðurinn sé 88 milljóna punda virði.

Balotelli er án samnings í sumar en hann hefur ákveðið að yfirgefa Nice í Frakklandi.

Hann kom frítt til Nice fyrir tveimur árum frá Liveprool og hefur fundið taktinn.

Balotelli ku hafa þroskast talsvert og vesenið utan vallar hefur ekki verið neitt.

,,Mario er klár í að snúa aftur til Englands, hann hefur þroskast í einn af tíu bestu framherjum í heimi,“ sagði Raiola.

,,Hann er besti ítalski framherjinn og er 88 milljóna punda virði í dag. Hann fæst frítt og er því mjög eftirsóttur.“

Raiola segir að lið á Englandi, Ítalíu og Spáni hafi áhuga en hann hefur meðal annars verið orðaður við Juventus og Napoli.