Jose Mourinho, stjóri Manchester United ætlar að losa sig við nokkra leikmenn í sumar.

Þá mun hann fá umtalsvert fjármagn til þess að styrkja leikmannahópinn en liðið er sem stendur í öðru sæti ensku úrvalsdeildarinnar með 65 stig, 16 stigum á eftir toppliði Manchester City.

Þá féll liðið úr leik í 16-liða úrslitum Meistaradeildarinnar fyrr í þessum mánuði eftir tap gegn spænska liðinu Sevilla.

MEN fullyrðir í kvöld að þeir Luke Shaw, Matteo Darmian og Daley Blind munu allir yfirgefa United í sumar.

Mourinho virðist ekki hafa mikla trú á þessum leikmönnum sem hafa lítið fengið að spila á þessari leiktíð.