Jose Mourinho, stjóri Manchester United er undir smá pressu þessa dagana.
United féll úr leik í Meistaradeildinni í síðustu viku eftir tap gegn spænska liðinu Sevilla í 16-liða úrslitum keppninnar.
Þá hefur Portúgalinn verið duglegur að láta leikmenn sína heyra það að undanförnu en hann gagnrýndi þá harðlega eftir 2-0 sigur liðsins á Brighton í enska FA-bikarnum á dögunum.
Mourinho tók við liðinu árið 2016 af Louis van Gaal og hefur nú þegar skilað þremur titlum í hús en hann hefur einnig eytt háum fjárhæðum í leikmenn síðan hann kom á Old Trafford.
Sumir af þessum leikmönnum hafa svo sannarlega staðið fyrir sínu, á meðan aðrir hafa ekki náð að sýna sitt rétta andlit en Mail tók saman áhugaverða samantekt um hvaða leikmenn hefðu staðið undir væntingum, og hverjir höfðu ekki reynst peninganna virði.
Samantektina má sjá hér fyrir neðan.
Eric Bailly – Góð kaup
(Villarreal, £30m – 1. júlí, 2016)
Zlatan Ibrahimovic – Góð kaup
(Paris Saint-Germain, free — 1. júlí, 2016)
Henrikh Mkhitaryan – Ekki góð kaup
(Borussia Dortmund, £27m — 6. júlí, 2016)
Paul Pogba – Þarf að sanna sig
(Juventus, £89m — 9. ágúst, 2016)
Victor Lindelof – Ekki góð kaup
(Benfica, £31m — 1. júlí, 2017)
Romelu Lukaku – Góð kaup
(Everton, £75m — 7. júlí, 2017)
Nemanja Matic – Góð kaup
(Chelsea, £40m — 31. júlí, 2017)
Alexis Sanchez – Þarf að sanna sig
(Arsenal, Skipti fyrir Mkhitaryan — 22. janúar, 2018)
