Það eru áhugaverðir landsleikir sem fara fram í Bandaríkjunum á næstu dögum en þar mætir karlalandsliðið Mexíkó og Perú.

Í hópnum er Kolbeinn Sigþórsson í fyrsta sinn síðan á Evrópumótinu í Frakklandi árið 2016. Eftir erfið meiðsli er Kolbeinn að komast í stand og hefur spilað tvo leiki fyrir varalið Nantes.

Ljóst er að ef Kolbeinn kemst í toppstand og byrjar að spila með Nantes fyrir HM í Rússlandi að þá fer hann með liðinu. Kolbeinn var einn allra mikilvægasti leikmaður liðsins fyrir meiðsli.

Fyrir eru fimm framherjar sem berjast líklega um fjögur laus sæti á HM, Alfreð Finnbogason, Jón Daði Böðvarsson, Björn Bergmann Sigurðarson og Kjartan Henry Finnbogason. Ólíklegt er að Heimir taki fleiri en fjóra framherja í 23 manna hóp sinn.

Alfreð og Jón Daði eiga svo gott sem öruggt sæti í HM hópnum og miðað við spilaðar mínútur í undankeppni HM er líklegra að Björn Bergmann fari með frekar en Viðar og Kjartan Henry. Það gæti þó breyst ef Kolbeinn kemur inn enda leikstíll hans svipaður og Björns.

Þó gæti farið svo að Viðar missi aftur af sæti í lokahópi þrátt fyrir að oftast vera hluti af hópnum í bæði undankeppni EM og HM. Hann missti af sæti í lokahópi EM eins og frægt var. Björn spilaði meira en helmingi fleiri mínútur en Viðar í undankeppni HM en Kjartan Henry kom ekkert við sögu í undankeppni HM.

Spilaðar mínútur í undankeppni HM má sjá hér að neðan.

Alfreð Finnbogason
521 mínútur

Jón Daði Böðvarsson
468 mínútur

Björn Bergmann Sigurðarson
256 mínútur

Viðar Örn Kjartansson
120 mínútur