Jose Mourinho stjóri Manchester United og Luke Shaw bakvörður félagsins virðast ekki eiga skap saman.
Shaw fær reglulega að heyra það frá Mourinho í fjölmiðlum, hann virðist alltaf sjá blóraböggul í bakverðinum.
Mourinho hefur efast um Shaw frá því að hann tók við United sumarið 2016.
Nú velta enskir fjölmiðlar því fyrir sér hvort gömul fýla Mourinho spili stórt hlutverk í því hvernig hann kemur fram við Shaw.
Sumarið 2014 vildi Chelsea kaupa Shaw frá Southampton en United bauð honum betri laun og betra umhverfi að hans mati.
Mourinho sagði þá að það hefði gengið frá félaginu að greiða ungum leikmanni svona há laun en Shaw ku þéna 100 þúsund pund á viku.
