Didier Deschamps þjálfari Frakklands segist ekki getað ímyndað sér það að Paul Pogba sé ánægður í herbúðum Manchester United.
Franska landsliðið er að æfa saman þessa dagana en Pogba var mættur til leiks.
Pogba hefur verið talsvert á bekknum síðustu vikur og var ónotaður varamaður í sigri United um helgina.
,,Þetta hlýtur að vera staða sem hann hefur áhyggjur af,“ sagði Deschamps.
,,Hann hefur mikið að bjóða og það hljóta að vera margar ástæður fyrir þessu.“
,,Hann getur ekki verið glaður með það sem er í gangi hjá United.“
