Bournemouth og Totenham eigast nú við í ensku úrvalsdeildinni og er staðan 1-1 þegar síðari hálfleikur var að hefjast.

Það var Junior Stanislas sem kom heimamönnum yfir strax á 7. mínútu en Dele Alli jafnaði metin fyrir Tottenham á 35. mínútu og staðan því 1-1 í leikhléi.

Harry Kane, framherji Tottenham meiddist í fyrri hálfleik eftir samstuð við Asmir Begovic, markmann Bournemouth.

Hann reyndi að halda leik áfram en þurfti að lokum að fara af velli á 34. mínútu fyrir Erik Lamela.

Þetta eru slæmar fréttir fyrir Tottenham sem er í harðri baráttu um Meistaradeildarsæti.