Wilfried Zaha, sóknarmaður Crystal Palace er byrjaður að æfa með liðinu á nýjan leik.
Zaha meiddist illa og í fyrstu var talið að hann myndi missa af restinni af tímabilinu.
Roy Hodgson, stjóri liðsins staðfesti hins vegar að endurhæfing hans hefði gengið lygilega vel og hann gæti nú spilað um helgina.
Chelsea tekur á móti Crystal Palace á laugardaginn næsta klukkan 17:30 en bæði lið hafa verið í vandræðum upp á síðkastið.
Crystal Palace er í átjánda sæti deildarinnar með 27 stig, tveimur stigum frá öruggu sæti þegar 9 leikir eru eftir af tímabilinu.
