Toby Alderweireld, varnarmaður Tottenham er eftirsóttur þessa dagana.
Hann er með klásúlu í samningi sínum sem gerir honum kleift að yfirgefa félagið á næsta ári fyrir 25 milljónir punda.
Alderweireld vill fá umtalsverða launahækkun hjá Tottenham en félagið er ekki tilbúið að borga jafnvel og Manchester United sem hefur mikinn áhuga á Belganum.
Félagið gæti því freistast til þess að selja hann í sumar fyrir rétta upphæð, frekar en að missa hann á næsta ári fyrir 25 milljónir punda.
Barcelona hefur nú blandað sér í baráttuna um varnarmaninn öfluga en það er Mail sem greinir frá þessu í kvöld.
Alderweireld er einn af bestu varnarmönnum deildarinnar en hann kom til Tottenham frá Atletico Madrid árið 2015.
