Arsenal vonast eftir því að Pierre-Emerick Aubameyang skrifi undir hjá félaginu áður en glugginn lokar á morgun.

Samkomulag er í höfn milli Dortmund og Arsenal en með fyrirvara um að Dortmund kræki í framherja.

Þar kemur Chelsea til sögunnar en Dortmund hefur áhuga á Michy Batshuayi.

Chelsea er til í að leyfa honum að fara en ekki nema að félagið fái inn framherja. Chelsea vill fá Olivier Giroud frá Arsenal.

Arsenal gæti því þurft að hefja leikinn og leyfa Giroud að fara til Chelsea sem yrði til þess að Michy Batshuayi gæti farið til Dortmund.

Koma Michy Batshuayi til Dortmund yrði svo til þess að Aubameyang gæti farið til Arsenal. Hringekja sem þarf að klárast á næstu tveimur dögum.