Jose Mourinho, stjóri Manchester United tók sig til á dögunum og sendi hjartnæmt bréf til Fredrick Schofield, stuðningsmanns félagsins.

Schofield er 94 ára gamall en hann fékk heilablóðfall á dögunum og er nú að jafna sig á spítala.

Manchester United mætir Tottenham í stórleik ensku úrvalsdeildarinnar á miðvikudaginn næstkomandi en Mourinho tók sér tíma til þess að senda stuðningsmanninum huggunarorð.

„Kæri Fred,“ sagði Mourinho í bréfinu.

„Ég heyrði af stuðningi þínum við félagið okkar fyrir nokkru og ég ákvað að skrifa þér og þakka þér fyrir stuðninginn í gegnum árin. Stuðningsmenn Manchester United halda áfram að koma mér á óvart.“

„Mér skilst að þú hafir verið að ganga í gegnum erfiða tíma en vonandi hjálpar það þér í batanum að ég, leikmennirnir og starfsfólk félagsins hugsum öll vel til þín og sendum þér góða strauma á þessum erfiðu tímum,“ sagði hann að lokum.

Bréfið sem Mourinho sendi má sjá hér fyrir neðan.