Jose Mourinho, stjóri Manchester United var spurður út í það á blaðamannafundi á dögunum hvort Cristiano Ronaldo, sóknarmaður Real Madrid væri hugsanlega að koma til félagsins.
Ronaldo er sagður ósáttur hjá Real Madrid en hann vill fá nýjan samning hjá félaginu sem myndi færa honum svipuð laun og Lionel Messi og Neymar eru með.
Hann er sagður vilja yfirgefa félagið í sumar og hefur hann m.a verið orðaður við endurkomu á Old Trafford.
„Það loga eldar í Madrid, úrslitin hafa ekki verið góð,“ sagði Mourinho.
„Ég stýrði þessu félagi í þrjú ár og mér er annt um þetta félag. Ég er ekki maðurinn til þess að bæta olíu á eldinn.“
„Til þess að slökkva nokkra elda þá vil ég segja að Cristiano er leikmaður sem alla stjóra dreymir um að hafa í sínu liði. Hann er leikmaður sem öll félög vilja hafa í sínu liði.“
„Það er hins vegar einn stjóri og eitt félag sem hefur hannog það er Zidane og Real Madrid. Þannig verður það alltaf,“ sagði Mourinho að lokum.
