Ivan Gazidis stjórnarformaður Arsenal er mættur til Dortmund og ætlar að reyna að taka Pierre Emerick-Aubameyang með sér heim..
Fleiri starfsmenn Arsenal eru á svæðinu en félagið reynir að ná samkomulagi við Dortmund.
Aubameyang vill fara til Arsenal en talið er að Dortmund vilji yfir 50 milljónir punda.
Sky Germany segir svo frá því að á fundinum hafi það komið fram að Dortmund vill Olivier Giroud.
Giroud fær ekki að byrja marga leiki og kaup á Aubameyang myndu fækka möguleikum hans.
Hér gæti því komið upp að félögin skiptast á leikmönnum en Arsenal yrði að borga talsverða upphæð á milli.
