Manchester City tók á móti Newcastle í ensku úrvalsdeildinni í dag en leiknum lauk með 3-1 sigri heimamanna.

Sergio Aguero skoraði þrennu í leiknum en það var var Jacop Murphy sem skoraði mark Newcastle í leiknum.

Pep Guardiola, stjóri City var að vonum sáttur með sigurinn í kvöld en vildi þó ekki meina að titillinn væri kominn í hús.

„Við þurfum tíu sigra í viðbót til þess að vinna deildina og vonandi getum við kroppað í aðeins fleiri stig í viðbót,“ sagði stjórinn.

„Þegar að við spilum gegn svona liðum, eins og Southampton, West Ham og Bournemouth, sem spila 5-4-1 þá er mikilvægt að sækja á þau allan tímann.“

„Það skiptir ekki máli hversu mörg mörk þú skorar heldur hversu mörg færi þú skapar þér og að hætta aldrei að reyna búa eitthvað til. Ég var ánægður með leikmennina í stöðunni 1-2, við hættum aldrei,“ sagði hann að lokum.