Burnley tók á móti Manchester United í ensku úrvalsdeildinni í dag en leiknum lauk með 1-0 sigri gestanna.

Það var Anthony Martial sem skoraði eina mark leiksins í síðari hálfleik og lokatölur því 1-0 fyrir United.

Jose Mourinho, stjóri liðsins var mjög sáttur með stigin þrjú í leikslok.

„Ef þú skorar ekki þá ertu alltaf í vandræðum. Þeir eru mjög beinskeyttir, þeir eru með ákveðið leikplan sem þeir halda allan leikinn,“ sagði stjórinn.

„Við vörðumst mjög vel í dag og mér fannst dómararnir standa sig mjög vel, hrós til þeirra. Þetta var mikill baráttu leikur og bæði lið gerðu allt til þess að vinna.“

„Auðvitað er ég ánægður með Martial, ég vil bara sjá hann sýna stöðugleika, ég veit alveg hvað hann getur í fótbolta.“

Mourinho var spurður að því hvort Alexis Sanchez væri að koma til félagsins.

„Ég held að hann sé að koma, ég held það en ég get ekki staðfest neitt,“ sagði hann að lokum.