Pierre-Emerick Aubameyang, framherji Borussia Dortmund er sterklega orðaður við Arsenal þessa dagana.

Samkvæmt miðlum á Englandi hefur framherjinn nú þegar samþykkt að ganga til liðs við félagið en Dortmund og Arsenal ræða ennþá um kaupverðið sín á milli sem er talið vera í kringum 50 milljónir punda.

Dortmund vill losna vil Aubameyang sem hefur verið til vandræða á þessari leiktíð vegna agavandamála en Mail greinir frá því í dag að þýska félagið reyni að fá Olivier Giroud í skiptum.

Dortmund vildi fá Giroud síðasta sumar en framherjinn ákvað að halda kyrru fyrir hjá Arsenal og reyna að vinna sér inn fast sæti í byrjunarliðinu.

Hann vill hins vegar fara með Frökkum til Rússlands og gæti því ákveðið að beyta til þar sem hann fær að spila reglulega.