Sky Sports hefur heimildir fyrir því að Chelsea hafi áhuga á Alexis Sanchez sóknarmanni Arsenal.
Sanchez er að öllum líkindum á förum frá Arsenal en Manchester United er sagt leiða kapphlaupið.
Flestir töldu að Sanchez væri á leið til Manchester City en félagið hefur hætt við.
City segist ekki vera tilbúið að greiða þær upphæðir sem United er að bjóða.
United vonast til að kaupin á Sanchez klárist á næstu dögum en Chelsea reynir að koma inn.
Chelsea hefur ekki lagt fram tilboð en félagið hefur verið klókt í að krækja í leikmenn svona á síðustu stundu.
