Ousmane Dembele, sóknarmaður Barcelona er meiddur á nýjan leik en þetta var staðfest í dag.
Hann meiddist í 4-2 sigri Barcelona á Real Sociedad eftir að hafa komið inná sem varamaður í leiknum.
Dembele er með rifinn vöðva og verður því frá næstu þrjár til fjórar vikurnar vegna meiðslanna.
Hann var að snúa aftur tilbaka eftir tognun aftan í læri sem átti sér stað í byrjuna tímabilsins og því ljóst að þetta er mikið áfall fyrir leikmanninn.
Hann er næst dýrasti leikmaður í sögu félagsins og kom síðasta sumar frá Dortmund.
