Harry Kane, framherji Tottenham hefur verið valinn leikmaður desember mánaðar í ensku úrvalsdeildinni.
Kane var á eldi í desember og skoraði átta mörk fyrir Tottenham í deildinni, þar af tvær þrennur.
Þetta er í sjötta sinn á ferlinum sem hann er valinn leikmaður mánaðarins í ensku úrvalsdeildinni og jafnar hann þar með met Steven Gerrard.
Tottenham situr sem stendur í fimmta sæti ensku úrvalsdeildarinnar með 41 stig, þremur stigum á eftir Liverpool sem er í fjórða sætinu.
