Roy Hodgson stjóri Crystal Palace segist vera mjög meðvitaður um það að hann sé góður þjálfari.
Ekki hafa allir verið á sama máli en Hodgson hefur unnið gott starf á stuttum tíma með Palce.
Margir höfðu afskrifað Hodgson eftir erfiða tíma með enska landsliðinu.
,,Þrátt fyrir að ég sé ekki að auglýsa eigið ágæti þá er það ekki þannig að ég viti ekki að ég sé góður þjálfari,“ sagði Hodgson.
,,Hvort sem Palace vinnur eða tapar þá veit ég að ég er góður þjálfari. Ég veit það, ég sé það á hverjum degi.“
