Thibaut Courtois, markmaður Chelsea hefur ekki viljað skrifa undir nýjan samning við félagið.
Hann á 18 mánuði eftir af núverandi samningi sínum og óttast forráðamenn félagsins nú að missa hann til Real Madrid sem hefur mikinn áhuga á honum.
Fari hins vegar svo að félagið missi Courtois til Spánar þá vill Chelsea fá Gianluigi Donnarumma, markmann AC Milan en það er Goal sem greinir frá þessu.
Donnarumma hefur verið orðaður við brottför frá Milan að undanförnu en stuðningsmenn félagsins hafa nú snúist gegn honum.
Hann þykir eitt mesta efnið í Evrópuboltanum í dag en Chelsea þarf að rífa upp veskið ef þeir vilja fá hann.
