Liverpool og Barcelona hafa komist að samkomulagi um kaupverð síðarnefnda liðsins á Philippe Coutinho.

Kaupverðið er talið vera í kringum 142 milljónir punda og munu Börsungar borga 105 milljónir punda um leið og félagaskiptin eiga sér stað.

Þeir munu svo greiða Liverpool 37 milljónir punda í bónusa og árangurstengdar greiðslur en félagaskiptin hafa legið lengi í loftinu.

Coutinho mun nú gangast undir læknisskoðun hjá spænskafélaginu og ef allt gengur eftir mun hann skrifa undir samning við félagið en talið er að samningurinn muni vera til fimm ára.

Hann verður þriðji dýrasti knattspyrnumaður heims, á eftir þeim Neymar og Kylian Mbappe.