Gary Neville sérfræðingur Sky Sports segir að það væri sturlun hjá Liverpool að selja Philippe Coutinho til Barcelona í janúar.
Barcelona reynir á nýjan leik að kaupa Coutinho en miðjumaðurinn vill ólmur fara þangað.
Neville tekur undir orð Jamie Carragher að semja eigi um að Coutinho fari til Katalóníu næsta sumar.
,,Ég hef verið að hugsa um mál Coutinho eftir Twitter færsluna frá Carragher, ég er sammála honum. Liverpool á að klára samning við Barcelona sem myndi ganga í gegn í sumar,“ sagði Neville.
,,Að hafa hafnað öllum tilboðum í sumar og að selja hann núna væri sturlun. Það er alltaf líklegt að þú missir leikmann þegar Barcelona og Real Madri hringja, þeir verða að leyfa honum að gefa sér tíma.“
