Jose Mourinho stjóri Manchester United segir það ekki merki um að hann hafi tapað ástríðunni þó hann hagi sér ekki eins og trúður á hliðarlínunni.
Mourinho er að margra mati að skjóta lúmskum skotum á Jurgen Klopp og Antonio Conte með þessum ummælum sínum.
,,Þrátt fyrir að ég hagi mér ekki eins og trúður á hliðarlínunni þá hef ég ekki tapað ástríðunni. Ég vil haga mér svona, ég hef þroskast. Það er betra fyrir liðið og mig, þú þarft ekki að vera eins og brjálæðingur á hliðarlínunni til að hafa ástríðu,“ sagði Mourinho.
,,Þetta fer eftir því hvernig menn vinna sína vinnu, ekki hvernig þeir haga sér fyrir framan myndavélarnar.“
Framtíð Mourinho hefur verið til umræðu og hann segir fréttir um að hann viji hætta vera rusl. Fram kom í dag að hann ræðir nýjan samning við félagið.
,,Ef þú spyrð mig um fréttirnar sem hafa verið þá myndi ég kalla þær rusl.“
,,Ég sé sjálfan mig fyrir mér hér á næstu leiktíð, ég fer frá Manchester United þegar félagið vill mig ekki lengur. Ég er hálfnaður með samning minn, ég er ekki á síðustu mánuðunum. Ég vil vera áfram, þetta er undir eigendum og Ed Woodward komið hvort þeir séu sáttir með mig og vilji framlengja við mig. Ég vil vera áfram.“
