Mark Hughes, stjóri Stoke City er ansi valtur í sessi þessa dagana.
Lítið sem ekkert hefur gengið upp hjá liðinu á þessari leiktíð en Stoke er í sextánda sæti deildarinnar með 20 stig, tveimur stigum frá fallsæti.
Forráðamenn Stoke hittust í dag og ræddu stöðu stjórans en það er Sky Sports sem greinir frá þessu.
Hughes hefur stýrt liðinu frá árinu 2013 en árangur liðsins á undanförnum árum hefur ekki verið mikilfenglegur.
