Jóhann Berg Guðmundsson lék allan leikinn þegar Liverpool heimsótti Burnley í ensku úrvalsdeildinni í dag.
Leikurinn var fremur bragðdaufur en Liverpool var án Mohamed Salah og Philippe Coutinho vegna meiðsla. Sadio Mane kom Liverpool og allt stefndi í sigur Liverpool þegar Jóhann Berg Guðmundsson jafnaði á 88 mínútu leiksins.
Jóhann mætti á fjærstöng og skallaði knöttinn í netið, frábærlega gert hjá pilti og hans fyrsta mark í deildinni í ár. Liverpool svaraði hins vegar fyrir sig undir lok leiksins þar sem Ragnar Klavan skoraði sigurmarkið.
,,Ég hef lengi beðið eftir þessu marki, ég hef verið að leggja upp en maður vill alltaf skora,“ sagði Jóhann.
,,Það er erfitt að taka þessu, það er ekki mikils virði að skora þegar það skilar ekki stigum. Þetta er svekkjandi. Við lögðum mikið á okkur til að komast aftur inn í leikinn. gegn góðu Liverpool liði. Þeir eru með marga frábæra leikmenn en við sýndum að við getum barist við þá.“
,,Við búum til vandræði fyrir öll stóru liðin, við verðum að halda því áfram en það er erfitt að fá ekki stig í dag.“
,,Við höfum spilað vel í öllum leikjum fyrir utan leikinn gegn Tottenham. Gegn United 2-0 yfir þá eigum við að klára leikinn, við eigum að vinna Huddersfield. Við vorum frábærir þar og spiluðum vel, við áttum að fá víti og að skora.“
,,Í dag áttum við að fá stig, svona er fótbolti. Við verðum að halda áfram, tímabilið hefur verið gott og það er meira á leiðinni. Við höfum ekki unnið lengi og viljum fá sigur. Við getum ekki kvartað undan tímabilinu hingað til.“
