Margir telja hana vera sláandi líka finnsku söngkonunni Saara Aalto, sem flytur framlag Finna í Eurovision í ár.
„Meðan á fyrri undankeppni Eurovision stóð fékk ég fjölda skilaboða frá vinum sem grínuðust með að MIMRA væri að keppa fyrir hönd Finnlands. Mér fannst þetta frekar fyndið svo ég fór að skoða tónlistarkonuna Saara Aalto og jú það er kannski smá svipur með okkur,“ segir María. „Saara er stórkostleg söngkona með geggjað lag svo það er bara frábært. Ég ákvað að nota tækifærið og gera smá lifandi ábreiðu af laginu Monsters sem er eftir Saara Aalto, Joy Deb, Linnea Deb og Ki Fitzgerald.“
Á döfinni hjá MIMRU er tónleikaferðalag um Ísland dagana 9.-21. júní næstkomandi. Tónleikaferðalagið nefnist MIMRA Roadtrip Tour, en MIMRA mun ferðast og spila tónlist sína í hljómsveit skipuðum þremur tónlistarkonum fyrir landsmenn á 11 tónleikum vítt og breitt um landið.
Fylgjast má með MIMRU á heimasíðu hennar, Facebook og Instagram.
Lestu einnig: Saara Aalto:Syngur Skrímsli á tungu allra Eurovisionlaganna í ár
Lestu einnig: Kærastan fylgdi Ara til Lissabon
Lestu einnig: Hvaða lag heldur þú að vinni í ár?
