Aðal Garðaþjónustan sinnir öllum verkefnum sem tengjast garðinum þínum. Um er að ræða fjölskyldufyrirtæki sem er í eigu Sveins Gests Tryggvasonar og eiginkonu hans. Sveinn er búinn að vera í bransanum í yfir 10 ár og því með mikla reynslu og þekkingu á þessu sviði. „Við höfum mikla reynslu í öllu sem tengist görðum. Við leggjum okkur alla fram við öll verkefni sama hvort þau séu stór eða lítil,“ segir Sveinn.

Góð þjónusta og besta verðið

„Við leggjum áherslu á fyrirmyndar þjónustu og erum með mjög gott verð,“ segir Sveinn. „Við tökum að okkur beðahreinsanir, snyrtingu og grisjun trjáþyrpinga, trjáfellingar, túnþökulögn, hekkklippingar, hellulögn, sólpallasmíði og allar aðrar lóða- og garðframkvæmdir,“ segir hann. „Það er bara að hafa samband ef þú vilt fá faglega ráðgjöf vegna fyrirhugaðra framkvæmda og við gerum tilboð í verkið,“ segir Sveinn í framhaldinu. „Vert er að nefna að við veitum einnig faglega ráðgjöf vegna væntanlegra framkvæmda. Auk þess bjóðum við upp á alla þjónustu tengda umhirðu og viðhaldi garðsins,“ segir hann.

Eldri borgarar fá afslátt af allri garðvinnu

„Við ákváðum í kreppunni að bjóða eldri borgurum góðan afslátt af allri garðvinnu þar sem margir sáu ekki fram á að geta keypt slíka þjónustu vegna afleiðinga kreppunnar,“ segir Sveinn. „Þetta hefur reynst afar vel og hefur fólk verið að nýta sér þetta,“ bætir hann við.

Hvernig panta ég þjónustu?

Skrifstofa fyrirtækisins er staðsett á Bollagötu 4 í Reykjavík. Til að panta þjónustu geta viðskiptavinir haft samband við eigendur í síma 770-0854 alla daga fram á kvöld.

„Hægt er að nálgast frekari upplýsingar um Aðal Garðaþjónustuna á heimasíðunni adalgardathjonustan.is og Facebook síðu fyrirtækisins en þar er að finna uppfærslur á því nýjasta í tilboðum frá okkur,“ segir Sveinn.