Sigrún Helga Lund, prófessor við HÍ sem sagði upp starfi sínu í dag og sakaði yfir mann sinn, Sigurð Yngva Kristinsson, um kynferðislega áreitni, einelti og andlegt ofbeldi, ítrekaði ásakanir sínar í viðtali við Stöð 2 í kvöld. Segir hún jafnframt að háskólarektor hafi brugðist sér með aðgerðaleysi í málinu. Sigrún lýsir framkomu Sigurðar í sinn garð svona: „Óeðlileg kynferðisleg samskipti, rosalega mikið einelti og andlegt ofbeldi.“
Sigrún segist fyrst hafa kvartað undan framkomu yfirmanns síns sumarið 2016. Ekki hafi verið brugðist við kvörtuninni, ástandið hafi versnað. Sigurður vék Sigrúnu síðan úr rannsóknarhópi sínum.
Sigrún kærði Sigurð síðan til siðanefndar HÍ sem fann hann sekan í tilteknum ákæruliðum en ekki í öðrum. Úrskurðurinn hefur ekki verið birtur opinberlega.
Sigurður Yngvi hafnaði ásökunum Sigrúnar í dag í yfirlýsingu sem hann sendi frá sér.
