Stjörnuparið Ágústa Eva Erlendsdóttir og Aron Pálmarsson á von á barni síðar á þessu ári.
Þetta er fyrsta barn Arons en fyrir á Ágústa Eva son úr fyrra sambandi sem kom í heiminn árið 2011.

Ágústa, sem hefur getið sér gott orð sem söngkona á undanförnum árum og þykir auk þess ein af betri leikkonum þjóðarinnar, er komin þrjá mánuði á leið, samkvæmt heimildum DV og er erfinginn væntanlegur í heiminn í nóvember. Þau vita ekki hvort um dreng eða stúlku er að ræða.

Aron, sem verður 27 ára í sumar, er eins og margir vita einn allra besti handboltakappi þjóðarinnar en hann spilar með Veszprém í Ungverjalandi.

Samkvæmt heimildum DV eru þau Ágústa og Aron í sjöunda himni með væntanlegan erfingja og ríkir mikil tilhlökkun á heimilinu.