Það var rosalegt fjör þegar Breiðablik heimsótti FH í Kaplakrika í 2. umferð í Pepsi deild karla í kvöld.

Blikar höfðu öll völd á vellinum framan af leik og það var Gísli Eyjólfsson sem kom liðinu yfir undir lok fyrri hálfleiks.

Elfar Freyr Helgason kom liðinu í 2-0 áður en Jonathan Hendrickx skoraði mark úr aukaspyrnu.

Steven Lennon lagaði stöðuna fyrir heimamenn af vítapunktinum og þrátt fyrir talsverða pressu náði FH ekki að skora meira.

Plús og mínus er hér að neðan.

Plús:

Spilamennska Breiðabliks í leiknum var frábær, kröfugur sóknarleikur. Fljótir upp völlinn sem kom FH-ingum í vandræði.

Gísli Eyjólfsson var ískaldur í fyrsta mark leiksins, vippaði snyrtilega yfir Gunanr Nielsen í marki FH. Er Gísli næsti atvinnumaður Íslands?

Willum Þór Willumsson var nokkuð óvænt í byrjunarliði Breiðabliks í leiknum en hann er miklu betri leikmaður en margur gerir sér grein fyrir. Frábær í Krikanum í kvöld.

Mínus:

Gömlu Blikarnir, Guðmundur Kristjánsson og Kristinn Steindórsson voru í miklum vandræðum gegn uppeldisfélaginu. Guðmundur var aldrei í stöðu í hjarta varnarinnar og Kristinn lagði ekkert að mörkum framarlega á vellinum.

Ívar Orri Kristjánsson dómari leiksins var arfa slakur í kvöld, hefði átt að reka Geoffrey Castillion af velli og gaf svo Jonathan Hendrickx gult spjald fyrir að fagna. Ástríða, ekki leyfð.

Davíð Þór Viðarsson leikmaður FH hefur sjaldan og líklega aldrei tapað boltanum jafn oft og í leiknum í kvöld.

Kvöldið var vont fyrir Ólaf Kristjánsson gegn sínu gamla félagi, tapaði í skákinni gegn Ágústi Gylfasyni en FH-ingar voru afar opnir og óskipulagðir í leik sínum.